حلم عمرى الاول!

اترددت كتير جدا قبل مكتب الموضوع ده
لان ده حلم وربنا يقدرني اني انفذه
ومفيش حد يعرف حلمي ده ولا عمري فكرت اني احكيه لحد مع انه
عمره مفارق خيالي وكتير بحلم بمشروعي ده
يمكن يكون خيلي شوية بس برضو بحلم بيه

الحلم هوة اني اعمل نادي
نادي يضم كل المطلقات والمطلقين اللي اتطلقوا بسبب عدم الخلفة
واللي ربنا سبحانه وتعالي حرمهم من نعمة الانجاب
ومن النادي ده يتعرف الرجال والنساء علي بعض
ومن هنا يقدروا يتجوزوا ويبدأوا حياه جديدة مع بعض
وبتجمعهم نفس الظروف وهية ان ربنا كتبلهم يعيشوا من غير انجاب
بس لسة الحلم مخلصش
لازم اعمل مع النادي ده دار ايتام ملحقة بيه
يكون فيها الاطفال الرضع لحد عمر سنتين عشان يكونوا لسه متعلموش اي حاجة
وكل رجل وامرأة اتجوزوا من النادي ده
لازم ياخدوا طفل وطفلة يتبنوهم
لوكن لان التبني حرام عشان اختلاط الانساب
فالدولة هتساعدني وتعمل ليهم شهادات ميلاد خاصة لبيان انهم ابنائهم بالتنبي
وبكده اكون من رايي حليت مشكلتين كبار
وعملت اسرة من اب وام وابنه وابن في منتهي السعادة
زي اي اسرة عادية

هوة ده حلمي عايزة رايكوا فيه
حلو-وحش-سهل-صعب مستحيل؟؟؟؟؟؟؟؟؟؟؟؟؟؟؟؟؟؟؟؟؟؟
واللي عنده اقتراحات عشان حلمي ده يبقي احسن يقولي يا ريت
وانا اديني بحلم مش يمكن ربنا يقدرني في يوم واقدر احقق حلمي
يااااااااااااااااااااااااااااااااااااااااااااااااااااااااااا اااااااااااااااااااااااا رب

التوقيع :

love broke me but i'll be ok